စာသင်ခန်းမှာပျော်ရွှင်စရာ

မူကြိုကျောင်းမှာ စာသင်ကြားပေးကြပုံနဲ့ မူလတန်း အထက်တန်းကျောင်းတွေမှာ သင်ကြား ပေးကြတဲ့ပုံတွေဟာ အနည်းနဲ့အများတော့ မတူကြတာ အမှန်ပါပဲ။ မူကြိုကျောင်းတွေမှာ သင်ကြားပေး ကြတဲ့အခါမှာ ရောင်စုံခဲတံတွေနဲ့ ပုံဆွဲကြရတာတွေ၊ ကဗျာတွေ သီချင်းတွေ ဆိုကြရတာတွေ၊ အရုပ်တွေနဲ့ ဆော့ပြီး သင်ယူကြရတာတွေနဲ့ နည်းလမ်းမျိုးစုံလှပါတယ်။ ဒါပေမယ့် မူလတန်း အထက်တန်းကျောင်းတွေကို ရောက်သွားတဲ့အခါမှာတော့ များသောအားဖြင့် ဆရာမက ရှေ့ကနေ သင်ကြားပေးတာကို နားထောင်ပြီး စာတွေ လိုက်ကူး လိုက်မှတ်ရတာတွေပဲ များလာကြပါတယ်။